「網民力量」自上個月開始持續訪問全港470萬網民。上週末(截止到11月26日)的5,743名網民民調結果，榮獲全港十九份中英文報紙、電視、電台等新聞報導。經過上週的激烈的豬狼大戰，兩人的民望互有輸贏。累積昨日為止, 共有11，854位網民投票表達意見，成為目前坊間最有代表性、實時的民調之一。
上週日梁振英一場聲淚皆下的【紮腳膠花溫情秀】, 令其 “兇狼”形象產生180度轉變。妻兒站台，草根故事，不需唱埋一首 “獅子山下”，已經打動了470萬香港網民的心靈。
為梁站台的二百多人中，親基層色彩濃厚，沒有一個華資大地產商。網民大多是八十、九十後的無殼蝸牛，對地產霸權有切膚之痛。梁「親基層、遠商界」的草根形象，成功吸引了無數網民的視線、掌聲。
香港社會求變心切，深層次矛盾來自貧富懸殊、跨代貧窮、向上流動性下降、仇富心理等民怨。只有在梁宣佈的政剛「穩中求變」中，網民得到一個清晰、堅定、不結巴的明確答案。另一邊廂，唐在沙田落區時所言「我屬龍o既」成為一眾網民調侃的對象。
掌聲四起, 民調轉向。星期日至星期一的網上民調錄得過百票連票，一面倒支持梁。
但週二開始，由於梁的團隊被形容為 「董王朝復辟」。而成員之一羅范被教師團體圍剿，同日唐在旅遊業議會中淡定地回應：「一個人的出身是冇得揀o既」，令兩人的支持頓時打成平手。
週三梁的造勢大會被人揭穿借雷鼎鳴等猛人過橋，而當事人並未同意支持梁，即刻”火羅’左! 而花園街大火中兩人的表現，梁似 「抽水」。唐取消造勢大會，令唐扳回一仗。週四、五法律界爆出梁在2001年如心廣場案中作供被法官指責有誠信問題，而唐被爆取消造勢大會是因為兆基書院學生示威，令投票率大減, 全日只有142人投票，反映網民 “根本揀唔落手”。
星期六梁被何俊仁就華懋如心廣場案提出的質疑，窮追猛打而拒交代當年私下接觸梁寶榮的動機。再次顯示他的誠信問題一羅羅。總結一週的投票趨勢, 大部份票源來自於星期日的梁營【紮腳膠花溫情秀】，截止昨天為止，有效投票總共為11,854。
梁的支持率為44%，比截止上週日的39%支持率，多了五個百分點。支持率大幅上升12%。
唐的支持率為39%，比截止上週日的41%，略為減少兩個百分點，支持率下降4%。
葉劉淑儀的支持度減少為16%，何俊仁加范太為0.5%。
網民撐梁金句：
1. 北極燒鵝：「出動埋狼爸...紮腳狼媽...帥哥狼仔...煽情....被感動鳥! 真係有一刹那感動到我眼濕濕呢!」2. 反彈中：「好鬼touching! 由其是果句「我地既上一代人, 我地爸爸媽媽曾經諗過回鄉。我地呢一代, 留低既都曾經諗過遠走他鄉, 我地要為下一代人，為青年人, 感受到香港係我地既家。只要我們二百多萬個小家庭，團結一致，目標一致，凝聚成一個香港大家庭，我們就可以有新的希望，新的氣象。」
3. 天寧寧：「打基層牌, 民望一定升! 梁營真係孤注一擲, 用民望黎迫唐營跪低! 地產霸權係唐唐永遠o既原罪!! 睇住大劉個仔扮保鑣就火滾!」
4. 全職起底：「強調自己基層出生，好過富二代連馬路同MTR都分唔清」
5. 薄餅獵人：「睇完呢場花生秀，我好想梁振英做特首，我極想睇下如果佢贏左，地產+金融霸權vs特衰政府呢場大戲會點做?」
6. 華美子：「如果cy 選到，又真係做到佢講嘅社福政策，香港嘅窮人數目應該大大減少」
7. 長者未成年：「其實梁振英今次搵左唔同界別既人黎支持佢，形造出一種眾望所歸既感覺。 同唐唐果D搵親都係有錢人或者大商家，俾人果種感覺真係差好遠」
8. 傳珍教：「CY無論能力、口才、智慧、民望都贏唐唐由深水步去到金鐘」
網民撐唐金句：
1. 恐共老陳：「我地咁辛苦先逃離共產黨, 唔想比另一個地下黨員再統治。蠢唔係罪, 最少唔識自以為是要求變、亂下重藥，自毀香港最寶貴的自由經濟、小政府。梁黨委總書記，誓必染到維港一片紅! 明年彌敦道，將正式改名為”香港社會主義特區之人民路”! 香港人，認清唐唐係資本家, 仲係資本主義守護神」2. 低音大琴：「寸爆記者唔尊重火災死者 唐唐終於做返出好戲 對答升左level」
3. 兼職肥仔：「今次算表現番d急才 如果係呢個時候再做參選大會一定比人入佢不理民間疾苦 對黎得好好 唔知有無人教路」
4. 老董返o黎啦：「香港的朋友們，明年三月復活節前，我老懞董同埋A1董太，就會正式復活啦!!你地唔好咁心急，今次我地借 “N屆都唔參選特首”o既 puppet來同大家慶祝复活節啦!!大家等食八萬五啦!」
5. 我朋友是我：「少爺仔今次算表現番d急才。如果係呢個時候再做造勢大會，一定比人入佢。唔理民間疾苦，但願佢唔係急才，而係真心為民著想，雖然點都係唔鍾意佢，但至少冇果隻咁冇誠信。」
6. 膠膠先生：「這場應該不叫豬狼大戰，是叻豬大戰狐狸! 豬是最聰明的動物，仲要食埋老虎! 用狼形容CY太睇少佢了，應該是深不可測的老狐狸。」
除此以外，其它民間提名的熱門特首候選人，排名前三位依然為劉德華(由32%上升到45%, 與兩奪金馬影帝、生龍仔有關)、陶傑(22%)、李嘉誠(13%)。其它新鮮入圍人選包括紮腳梁媽、改造腳蕭(若元)媽等搞鬼熱門討論人物。
小圈子選舉的良心
教育學院於11月29日的調查顯示, 四分一青年不關心特首選舉, 認為自己冇份選, 冇人聽其意見。
「網民力量」四位選委候選人項明生、林祖舜、趙鈺銘、陳龍盛宣佈, 不設預設立場, 根據特首候選人的IT政策, 四人將參考網民民調的最終結果, 以及IT界選民的意向為最後依歸, 投下良心的一票。令到小圈子選舉, 有小小的民意基礎。
有關「網民力量」
「網民力量」四人名單:- James Hong項明生 – Sony Computer Entertainment Hong Kong董事總經理
- Joe Lam 林祖舜 – 高登討論區CEO
- Gary Chao 趙鈺銘 – 互聯網專業協會總幹事
- Eddy Chen陳龍盛 – 陽光網絡董事
0 comments:
張貼意見